وەزیری کشتوکاڵی هەرێم داوا لە جوتیاران دەکات کە گەنمەشامی بچێنن و لە ئێستادا خاوەن کارگەکانی وشککردنەوەی گەنمەشامی ئامادەن بۆ ئەو پڕۆسەیە.
بێگەرد تاڵەبانی، وەزیری کشتوکاڵی هەرێم لەگەڵ خاوەنی کارگەکانی وشککردنەوەی گەنمەشامی کۆبوویەوە و بڕیارە یاداشتێک لە نێوان وەزارەتی کشتوکاڵ و خاوەن کارگەکان واژوو بکرێت بۆ وەرگرتنەوەی بەرهەمی گەنمەشامی جوتیاران.
بێگەرد تاڵەبانی، وەزیری کشتوکاڵ ڕایگەیاندووە، ” داوا لە جوتیارانی هەرێمی کوردستان دەکەم کە گەنمەشامی بچێنن، و بۆ ساغکردنەوەی بڕی ئەو بەرهەمانە ڕاستەوخۆ لەلایەن کارگەکانەوە وەردەگیرێتەوە، هەروەها تاوتوێی ئەوە کراوە کە باشترین جۆری بنەتۆی گەنمەشامی بگەیەندرێتە دەستی جوتیاران بۆ ئەوەی کە بەرهەمی هاوردەی گەنمەشامی بۆ بازاڕەکان و کارگەکانی خۆمان کەمبکەینەوە بەئامانجی گەیشتن بە خود بژێوی لە بەرهەم هێنانی گەنمەشامیدا”.
