ئەمینداری گشتیی كۆمكاری عەرەبی گەیشتە هەولێر، بڕیارە لەو سەردانەیدا لەگەڵ بەرپرسانی باڵای هەرێمی كوردستان كۆببێتەوە.
ئەحمەد ئەبولغێت، ئەمینداری گشتیی كۆمكاری عەرەبی بە سەردانێكی چاوەڕواننەكراو لەڕێگەی فڕۆكەخانەی نێودەوڵەتیی هەولێرەوە گەیشتە هەرێمی كوردستان و لەلایەن ڕێبەر ئەحمەد، وەزیری ناوخۆی هەرێمی كوردستانەوە پێشوازی لێكرا.
بەگوێرەی ئەو كارنامەیەی لەبارەی ئەو سەردانەی بڵاوكراوەتەوە، بڕیارە سبەی یەكشەممە 11ی نیسان، ئەمینداری گشتیی كۆمكاری عەرەبی لەگەڵ بەرپرسانی باڵای هەرێم كۆببێتەوە.
ئەوەش لەكاتێكدایە، ئەمڕۆ شەممە 10ی نیسان ئەمینداری گشتیی كۆمكاری عەرەبی لە بەغدادی پایتەخت لەگەڵ بەرپرسانی باڵای عێراق كۆبووەوە.
