بەهۆی کۆترێکەوە گەنجێک گیانی لەدەستدا

بەڕێوبەرایەتی پۆلیسی ڕاپەڕین ڕایگەیاند، بەهۆی ئەوەی گەنجێکی تەمەن 19 ساڵ چووەتە سەر بینایەکی بەرز تا کۆترێک هەڵفڕێنێت، بەڵام کەوتووەتە خوارەوە و پاش گەیاندنی بە نەخۆشخانە گیانی لە دەستداوە.

پۆلیسی ڕاپەڕین زانیاری لەبارەی ڕوداوەکەوە دەخاتە ڕوو و ڕایدەگەیەنێت، ” پاش ئەوەی 6ی نیسانی ئەم مانگە گەنجێک بەناوی ( هـ . ک . ق ) لەدایک بووی ساڵی 2002 پیشەی کاسب لەسەر تەلاری کتێبخانەی گشتی قەڵادزێ بەربویەوە لە نەخۆشخانەی گشتی قەڵادزێ چارەسەری سەرەتایی بۆ کراو پاشان بەڕێکرا بۆ سلێمانی، دوای چەند ڕۆژێک مانەوەی لە نەخۆشخانە بەهۆی سەختی برینەکەیەوە .ئەمڕۆ گیانی لەدەستدا

بە وتەی شایەتحاڵان ڕوداوەکە کاتێک ڕویداوە کە ئەو گەنجە چۆتە سەربانی کتێبخانە بەمەبەستی فڕینی یەکێک لە کۆترەکانی، بەڵام کەوتوتە خوارەوە و بە سەختی بریندار بووە و سەرەڕای گەیاندی بە نەخۆشخانە دوای سێ ڕۆژ گیانی لە دەستداوە.

بابەتی پێشتر

وەزارەتی پەروەردە کارگێری خوێندنگەکان لەبارەی سیستمی ئەلیکترۆنییەوە ئاگادار دەکاتەوە

بابەتی دواتر

"هیچ بەرنامەیەک بۆ داخستنی باڵیۆزخانەی ئەمریکا لە بەغداد نییە"

بابەتی پەیوەندیدار