بڕیارە لە ئەمڕۆوە كامێرا جێگیرەكانی تۆماركردنی تیژڕەویی ئۆتۆمبێل لە چەند شەقامێكی سەرەكی لە هەولێر وەك تاقیكردنەوە دواتریش بۆ تۆماركردن بخرێنەكار.
فازڵ حاجی، وتەبێژی هاتوچۆی هەولێر رایگەیاند، سەرجەم هاوڵاتیان و شۆفێران ئاگاداردەکەینەوە كە ئەمڕۆوە 15ی تشرینی یەكەم تا كاتژمێر 12ی شەوی شەممە 21ی تشرینی یەكەم سەرجەم کامێرا جێگیرەکانی چاودێریی خێرایی لەسەر رێگاكانی (هەولێر-گەزنە)، (هەولێر-مەخمور)، (هەولێر-موسڵ) و (هەولێر-کەرکوک) وەکو تاقیکردنەوە دەخرێنەكار.
دەشڵێت، “لەدوای ئەو بەروارەوە کامێراکان دەستدەکەن بە تۆمارکردنی سەرپێچیی تیژڕەویی”.
داواش لە شۆفێران دەكات پابەندی رۆیشتن بن بەو خێراییەی بە هێماکانی هاتوچۆ دیاریکراوە.
