دوای ڕازیبوونی ئازەربایجان و ئەرمینیا بۆ گفتوگۆکردن لەسەر هەرێمی قەرەباغ دوای ڕۆژێک دانوسان لە نێوان وەزیرانی دەرەوەی هەردوو وڵات بڕیاردرا شەڕ لە قەرەباغ ڕابگیرێت.
بەیانی ئەمڕۆ 10ی تشرینی یەکەم، سێرگی لاڤرۆڤ، وەزیری دەرەوەی ڕوسیا ئاشکرایکرد، “هەردوو وڵات کاتژمێر 12ی ئەمڕۆ ئاگربەست ڕادەگەیەنن و ئیتر شەڕ لە قەرەباغ کۆتایی دێت”.
نێوەندگیرییەکەی ڕوسیا لە کاتێکدایە کە وەزیرانی دەرەوەی ئەرمینیا و ئازەربایجان ماوەی 10کاتژمێر گفتوگۆیان کرد لە مۆسکۆ و پاشان گەیشتوون بەوەی شەڕ لە هەرێمی قەرەباغ ڕابوەستێت.
نزیک بە مانگێکە برینە 30 ساڵییەکەی نێوان ئازەربایجان و ئەرمینیا دیسانەوە کولایەوە و ئاگری خستەوە ناوچەکە، لەماوەی نزیکەی مانگێک شەڕدا زیاتر لە 200 کەس لە هەردولا کوژران و ئەمە جگە لە کوژرانی چەکدارە سورییەکانی نزیک لە تورکیا کە بۆ شەڕ نێردرابوونە هەرێمەکە.
