چێوەی هەماهەنگی دوایین ژمارەی ئەو پەرلەمانتارانە ئاشكرادەكات كە چوونەتە ڕیزەكانییەوە و دەڵێت، 170 پەرلەمانتارن.
توركی عەتبی سەركردە لە چێوەی هەماهەنگی ڕایگەیاند، “لێكتێگەیشتنی ئەرێنی ژمارەی كورسییەكانی هاوپەیمانێتییەكەمانی زیادكردووە بۆ 170 كورسی”.
بەپێی وتەی عەتبی، لە دوو هەفتەی ڕابردوودا دیدار و گفتوگۆیان لەگەڵ لایەنەكاندا هەبووە و چەندین پەرلەمانتاری سەربەخۆ پەیوەندییان بە ڕیزەكانی چێوەی هەماهەنگییەوە كردووە بەمەبەستی پێكهێنانی حكومەت.
ئەو سەركردەیەی چێوەی هەماهەنگی دەڵێت، “لە ڕۆژانی داهاتوودا هەواڵی دڵخۆشكەر و چاوەڕواننەكراو بەڕێوەیە و چەند پەرلەمانتارێكی سەربەخۆی تر دێنە ناو چێوەی هەماهەنگییەوە”.
