هەسەدە دەیەوێت كامپی هۆل لە “شانە نوستووەكانی داعش” پاك بكاتەوە

هەسەدە دەستی بە هەڵمەتێكی ئەمنی كردووە، بۆ دەستگیركردنی شانە نوستووەكانی داعش لە كامپی هۆل.

بەگوێرەی هەواڵێكی ئاژانسی فرانس پرێس، ئەمڕۆ یەكشەممە 28ی ئازار، هێزەكانی سوریای دیموكرات “هەسەدە” هەڵمەتێكی ئەمنییان دەستپێكردووە بۆ دەستگیركردنی شانە نوستووەكانی داعش لەنێو كامپی هۆل.

ڕامی عەبدولڕەحمان، بەڕێوبەری ڕوانگەی سوری بۆ مافەكانی مرۆڤ بە ئاژانسەكەی وتووە، “لەو هەڵمەتەی هەسەدەدا، لە بەرەبەیانیی ئەمڕۆوە، زیاتر لە 30 ژن و پیاو دەستگیركراون”.

بەرپرسانی هەسەدە بە ئاژانسەكانی هەواڵیان ڕاگەیاندووە، “ئەو هەڵمەتە دژ بە توندڕەوەكانی نێو كامپەكە بە هاوبەشی لەگەڵ هێزەكانی هاوپەیمانان ئەنجامدراوە”.

زیاتر بخوێنەرەوە.. كامپی هۆل.. “منداڵدانی بەرهەمهێنانی نەوەیەكی نوێی داعش”