تەقینەوەیەك كڵێسایەكی كاسۆلیكی لە شاری ماكاسار-ی ئیندۆنیزیا هەژاند و قوربانی لێكەوتەوە، پۆلیس دەڵێت، پێدەچێت بەهۆی بۆمبەوە بوبێت.
ساوس سالاوێزی، وتەبێژی پۆلیسی ئیندۆنیزیا ئەمڕۆ یەكشەممە 28ی ئازار وتی، تەقینەوەكە ئەمڕۆ ڕویداوە و لەو كاتەشدا ژمارەیەك خەڵك لەنێو كڵێساكەدا بوون.
وتیشی، “قوربانی و پارچە تەرممان بەدیكرد، نازانین دەگەڕێتەوە بۆ ئەنجامدەری تەقینەوەكە یان ئەو كەسانەی لە نزیكیەوە بوون”.
دواتریش تۆمارێكی ڤیدیۆی لەلایەن سایتی پۆلیسەوە بڵاوكرایەوە كە گەمارۆی ئەمنی دەوروبەری كڵێساكە و ئۆتۆمبێلە زیانپێگەیشتووەكانی ناوچەكەی داوە.
س: ڕۆیتەرز + RT
