دوای ئەوەی پارتی کرێکارانی کوردستان پەکەکە لە ڕاگەیەندراوێکدا هۆشداریدا لەوەی هەندێک کەس گارێ و حەفتانین پەیوەندییان لەگەڵ سوپای تورکیا هەیە، ئێوارەی ئەمڕۆش شەڕ لە نێوان گەریلاکانی پەکەکە و سوپای تورکیا لە شارۆچکەی باتیفا لە قەزای زاخۆ دروست بوو.
بەپێی زانیارییەکان ئێوارەی ئەمڕۆ نزیک کاتژمێر 6:00 شەڕ لە نێوان گەریلاکانی پەکەکە و بنکەیەکی سوپای تورکیا لە باتیفا دروستبوو، دواتر سوپای تورکیا بە هێلی کۆپتەر هێرشی کردووەتە سەر ئەو ناوچەیە.
ئێوارەی ئەمڕۆ 25ی ئازار، پارتی کرێکارانی کوردستان لە ڕاگەیەندراوێکدا هۆشداریدا و وتی، ” کەسانێک کە بۆ خزمەتی داگیرکەران کار دەکەن پێشتر لەلایەن فەرماندەیی ئێمە هۆشدارییان پێدراوە. گەلێک کەسان ڕووی ڕاستەقینەی دوژمن-یان بینیوە و وازیان لە خزمەتکردنی داگیرکەر هێناوە، بەڵام هەندێک کەس هێشتا بە بەردەوامی خزمەتی داگیرکەر دەکەن و لە داگیرکاری باشووری کوردستان ڕۆڵ دەگێڕن، ئێمە جارێکی تر داوایان لێدەکەین کە با دەست لەم کردەوەیە بەردەن و خزمەتی دوژمن نەکەن ئەم کارەیان دوورە لە پێوانەکانی وڵاتپارێزی.”
دیمەنی هێرشی هێلی کۆپتەرێکی تورکیا لە سنوری قەزای زاخۆ
