تەرمی گەنجێكی تەمەن 19 ساڵ گەیەندرایە نەخۆشخانەی گشتیی ڕانیە و پۆلیسی ڕاپەڕین دەڵێت، بەهۆی وەرگەڕانی ماتۆڕسكیلەوە گیانی لەدەستداوە.
بەڕێوبەرایەتی پۆلیسی ڕاپەڕین ئەمڕۆ چوارشەممە 24ی ئازار بڵاویكردەوە، كاتژمێر 06:00ی ئێوارەی ئەمڕۆ تەرمی گەنجێک بەناوی (ی.س.م.) لەدایکبووی ساڵی 2002 و ڕەگەزی نێر و كە پیشەی خوێندکارە و دانیشتوی ڕانیە-یە گەیەندرایە نەخۆشخانەی گشتیی ڕانیە.
ئاشكراشیكرد، بەگوێرەی لێکۆڵینەوەکانی پۆلیس، گەنجەکە لەسەر شەقامی سەرەکی نێوان ڕانیە – دەربەند بەهۆی وەرگەڕانی ماتۆڕسکیلەکەی گیانی لەدەستداوە.
پۆلیسی ڕاپەڕین ئاماژەی بەوەشداوە، دوای پشتڕاستکردنی مردنەکەی لەلایەن پزیشکەوە دواتر تەرمەکەی گواسترایەوە بۆ پزیشکی دادوەری و لەوێش دوای ئەنجامدانی پشکنین تەرمەکەی ڕادەستی کەسوکاری کرایەوە.
