دوای ڕۆژێک لە بڕیاری داخستنی بەشە ناوخۆییەکانی زانکۆ و پەیمانگاکان بەڕێوبەرایەتی تەندروستیی ڕاپەڕین ئاشکرایکرد، پشکنینی سێ خوێندکاری بەشە ناوخۆی زانکۆی ڕاپەڕین بە پۆزەتیڤ هاتووەتەوە.
لە ڕاگەیەندراوێکدا کە وێنەیەکی دەست تۆڕی میدیایی ئێستا کەوتووە تێیدا هاتووە، ” دوای ئەنجامدانی پشکنین بۆ بەشێک لە خوێندکارانی بەشی ناوخۆی زانکۆی ڕاپەڕین ، دەرەنجامی پشکنینەکانی سێ خوێندکاری کچ ئەنجامەکەیان پۆزەتیڤ بووە و تەمەنیشیان 19 و 18 و 23 ساڵانەو بەرکەوتەی تووشبویەکی کۆرۆنان”.
ڕاگەیاندنی ئەم ئەنجامە لە کاتێکدایە لە دوێنێوە بە بڕیاری لیژنەی ڕوبەڕوبوونەوەی ڤایرۆسی کۆرۆنا لە هەرێم بڕیادرا خوێندنی زانکۆ و پەیمانگاکانی هەرێم ڕابگیرێت، وەک هەوڵێک بۆ بەرەنگاربوونەوەی تەشەنەکردنی ڤایرۆسی کۆرۆنا.
