وەزیری تەندروستیی هەرێم لەبارەی دۆخی كۆرۆناوە هۆشداری دەدات

سامان بەرزنجی، وەزیری تەندروستیی هەرێم

توشبوون بە ڤایرۆسی کۆرۆنا زۆر زیادبووە کە ئەمڕۆ گەیشتە 10.3% وەك ئەوەی وەزیری تەندروستیی هەرێم دەیڵێت و هۆشداریش لە خێراتربوونی بڵاوبوونەوەی ڤایرۆسەکە دەدات.

سامان بەرزنجی، وەزیری تەندروستیی هەرێم ئەمڕۆ سێشەممە 22ی ئازار لە ڕاگەیەنراوێكدا دەڵێت، ڕێژەی توشبوون بە ڤایرۆسی کۆرۆنا زۆر زیادبووە کە ئەمڕۆ گەیشتە 10.3%، دوو هێندی ڕێژەی سنوورداری توشبوونە کە پێویستە لە 5% زیاتر نەبێت.

سامان بەرزنجی ئاماژەشدەدات، “ئەم ڕێژەیە پێشبینی دەکرێت زۆر زیاتریش بێت بەهۆی ئەوەی لەو ڕۆژانەدا پشووە، زۆربەی تاقیگە و کلینیکە تایبەتەکان نیە بەڵکو تەنها فریاکەوتن و سەنتەرەکانی کۆرۆنا هەیە”.

هەروەك نیگەرانی دەردەبڕێت بەوەی “هیچ پابەندبوونێکی بڕیارەکان پەیڕەوناکرێت” دوپاتیشیدەكاتەوە، بەداخەوە بەبێ ماسک و قەرەباڵغی و بەریەککەوتن مایەی خێراتری بڵاوبوونەوەی ڤایرۆسەکە دەبێت لە ڕۆژانی داهاتوو.

ڕاگەیەنراوەكەی وەزیری تەندروستی لەكاتێكدایە بەپێی ئاماری وەزارەتەكەی لە ماوەی 24 كاتژمێری ڕابردوودا 411 كەسی نوێ تووشی كۆرۆنا بوون، چوار كەسیش بە هەمان هۆكار مردوون.

بابەتی پێشتر

تەمەنی 59 ساڵە و لە ڕاهێنانێكدا ژمارەی پێوانەیی تۆمار كرد

بابەتی دواتر

ساڵیادی شكستی داعش.. عێراق داوای گفتوگۆی ستراتیژی لە ئەمریكا دەكات

بابەتی پەیوەندیدار
Total
121
Share