بەڕێوەبەرایەتیی گشتیی وەبەرهێنانی سلێمانی سەرجەم وەبەرهێنەرانی پڕۆژە نیشتەجێبووەكان ئاگاداردەكاتەوە بە هیچ شێوەیەك نابێت مامەڵەی كڕین و فرۆشتن بە یەكەكانیانەوە بكرێت پێش ئەوەی گرێبەستەكانیان پەسەندبكرێت.
بەپێی نووسراوێكی بەڕێوەبەرایەتیی گشتیی وەبەرهێنانی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، سەرجەم وەبەرهێنەرانی پڕۆژە نیشتەجێبووەكان ئاگاداردەكەینەوە نابێت بە هیچ شێوەیەك كڕین و فرۆشتن بە یەكەكانەوە بكرێن پێش ئەوەی گرێبەستی یەكەكانیان لە فەرمانگەكانمان پەسەندكراوبێت.
لە نووسراوەكەدا هاتووە، “هەر وەبەرهێنەرێك ئەو كارە بكات پێچەوانەی یاسای ژمارە 4ی ساڵی 2006ی وەبەرهێنانە و پێویستە هاوڵاتییان هیچ یەكەیەكی نیشتەجێبوون لە پڕۆژەكانی وەبەرهێنان نەكڕن ئەگەر گرێبەستی پەسەندكراوی بەڕێوەبەرایەتیی گشتیمانی نەبوو”.
