بڕیارە ئەمشەو لە ئەڵمانیاوە تەرمی نوسەر و مێژوونوسی کورد کەمال مەزهەر بگەڕێندرێتەوە بۆ فڕۆکەخانەی هەولێر و لەلایەن نێچیرڤان بارزانی سەرۆکی هەرێمی کوردستانا و بەرپرسانی دیکەی هەرێمەوە بەڕێبکرێت بۆ ساری سلێمانی.
لەسەر وردەکاری ناشتنەکەی کەمال مەزهەر هەڤاڵ ئەبوبەکر، پارێزگاری سلێمانی ئاشکرایکردووە، “لە بەیانی ڕۆژی چوارشەممە 24ی ئازار لە مەراسیمێکی تایبەتدا لەلایەن سەرۆکی هەرێمی کوردستان و بەشدارانی مەراسیمەکەوە پێشوازیی ڕەسمیی دەکرێت و بەرەو شاری سلێمانی ماڵئاوایی لێدەکرێت، لە دەروازەی شاری سلێمانیدا لەلایەن پارێزگاری سلێمانی و ئامادەبووانەوە پێشوازیی دەکرێت”.
پارێزگاری سلێمانی ئاماژەی بەوەشکردووە، ” تەرمی کەمال مەزهەر بە مەراسیمێکی شایستە بۆ دوا ئارامگای خۆی لە گردی سەیوان بەڕێدەکرێت، بەهۆی دۆخی کۆرۆناوە پێویستە هەمووان پابەندی ڕێکارە تەندروستیی و خۆپارێزییەکان بن، سبەی هەموو لایەک لە کات و شوێنی پێشوازیکردنی بەڕێزیان لە دەروازەی شاری سلێمانی ئاگاداردەکەینەوە و هەر کەس و کەناڵ و لایەن و دامەزراوەیەک خوازیاری بەشداریکردنە دەتوانێت خانەخوێیانە ئامادەبێت”.
