ئەمشەو لە رووداوێکی هاتوچۆدا لەسەر رێگای کەلار – باوەنور پێنج کەس برینداربوون.
بەڕێوەبەرایەتیی هاتوچۆی گەرمیان بڵاویکردەوە، “ئەمشەو هەینی لە سەر رێگای کەلار- باوەنور نزیک گوندی قولە سووتاو رووداوێکی پێکدادان لە نێوان دوو ئۆتۆمبێل لە جۆرەکانی (نیسان پاتڕۆڵ و تویوتا بیکاشۆ ) روویدا و لە ئەنجامدا پێنج کەس برینداربوون”.
ئاماژەی بەوەش کرد، “بریندارەکان پێکهاتبوون لە شۆفێری هەردوو ئۆتۆمبێلەکە و سێ لە سەرنشینەکانی پاتڕۆڵەکە بۆ وەرگرتنی چارەسەری پێویست رەوانەی نەخۆشخانە فریاکەوتنی شەهید هەژار کران”.
ئاشکراشیکرد، “لە لایەن تیمی هاتوچۆوە لێکۆڵینەوە لە رووداوەکە دەستیپێکردووە”.
