ئەو هۆکارانەی بەرشلۆنەی کومانیان گەیاندە ئاستێکی بەرز

بوێری کومان و پلانی یاریکردنی، بەرشلۆنەیان گەڕاندووەتەوە سەر ئاستە بەرزەکەی پێشوو

پێکهاتەی بەرشلۆنەی سەردەمی ڕۆناڵد کومان بە تێپەڕبوونی کات باشتر دەردەکەوێت و لە کۆتا ڕوبەڕوبوونەوەدا بەرانبەر ڕیاڵ سۆسیداد نمونەیەکی جوانی یاریکردنیان نیشاندا.

ڕۆژنامەی مارکای ئیسپانی لە ڕاپۆرتێکی تایبەتدا ئاماژەی بە بارودۆخی یانە کەتەلۆنیەکە کردووە و بڵاویکردووەتەوە، کە ڕۆژ بە ڕۆژ لەژێر سەرپەرشتی کومان بەرەو باشبوون و گەڕانەوە بۆ ئاستێکی ناوازە هەنگاو دەنێن، هۆکار و کلیلی کۆتا سەرکەوتنەکانیشیانی بۆ چەند خاڵێکی هونەری گەڕاندووەتەوە.

بەڵگەی ڕۆژنامە ئیسپانیەکە ئەوەیە، کە لە کۆتا 39 خاڵدا مێسی و هاوەڵانی توانیویانە 37 خاڵ کۆبکەنەوە و متمانە بەدەستبهێنن، ڕوبەڕوبوونەوەی سان سباستیانیش بەرانبەر ڕیاڵ سۆسیداد وەک نمونەیەک دەهێنێتەوە.

 

باڵەکانی بەرگری: لە کۆتا ڕوبەڕوبوونەوەکاندا کومان بە پلانی 3-5-2 یاریکردووە، باڵەکانی بەرگری “ئەلبا و دێست”ی ڕاسپاردووە زیاتر بەرەوپێش هەنگاو بنێن، ئەوەش پانتاییەکی باشتری لە ڕووی هێرشبەریەوە بە پێکهاتەکە بەخشیوە.

 

دی یۆنگ لە سەنتەر: بەپێی پلانی نوێی کومان، هێڵەکان زیاتر لەیەکدی نزیکدەبنەوە، لە ئێستادا باشتر پاڵپشتی یەکتردەکەن و سەرەڕای ئەوەی دی یۆنگ زیاتر لە سەنتەری یاریگا کاردەکات دەتوانێت باشتر بچێتە نیوە یاریگای یانە ڕکابەرەکانەوە.

 

بوسکێتس و جموجۆڵی کەمتر: کێشەی بۆسکێتس لەگەڵ ڕاهێنەرانی دیکە بوونی مەودایەکی فراوان بوو کە ناچاربوو ڕوماڵیان بکات، بەڵام بەهۆی نزیکبوونەوەی هێڵەکانەوە لە ئێستادا کەمتر جموجۆڵدەکات و ئەوەش وایکردووە کەمتر ماندووببێت و لە ڕووی تاکتیکیەوە بەشداری بونیادنانی هێرشەکان بکات.

 

سەربەستی مێسی و دیمبێلی: دیمبێلی و مێسی سەربەستی زیاتریان بەدەستهێناوە لە چوونە ناو یاریگای یانە ڕکابەرەکان و ئەرکە بەرگرییەکانیان کەمبووەتەوە، ئەوەش وایکردووە بگەڕێنەوە سەر ڕێڕەوی تۆمارکردنی گۆڵ.

 

بوێری کومان: ڕاهێنەرە هۆڵەندیەکە بە شێوازی خۆی بەردەوامبوو و ئاڵای سپی هەڵنەکرد، تاوەکو ئەوکاتەی توانی تەواوی پلان و بیرۆکەکانی بچەسپێنێت، بەتایبەت دوای وەرگرتنی متمانە لە خوان لاپۆرتای سەرۆکی نوێ چاوەڕوانی باشتریشی لێدەکرێت.

 

متمانە بە گەنجان: بە پێچەوانەی کیکی سیتیێن و ڤاڵڤێردی، کومان متمانەی بە یاریزانە لاوەکان بووە و دەرفەتی باشتری پێداوون، لەم ڕێگەیەوە کەلێنی پێگەکانی بەرگری و ناوەندی بەتەواوی پڕکردووەتەوە لە نمونەی پێدری و ئاراوخۆ و دێست و مینگوێزا.

بابەتی پێشتر

دەمیرتاش: هەوڵی ئەردۆغان بۆ قەدەغەكردنی هەدەپە نایاساییە

بابەتی دواتر

گەوهەرێكی ئیتاڵی یانەی پیسکارا دەکاتە قوربانیی خوێندنەکەی

بابەتی پەیوەندیدار
زیاتر ببینە

تالیافیکۆ لە پریمەرلیگەوە داواکراوە

ئەستێرەی ئەرجەنتینی یانەی ئەیاکس ئەمستەردام، نیکۆلاس تالیافیکۆ لە خولی نایابی ئینگلیزییەوە داواکراوە. ڕۆژنامەی “دەیلی میرەر”ی بەریتانی ئاشکرایکردووە، کە…
Total
3
Share