ئێوارەی ئەمڕۆ پێنجشەممە 8ی تشرینی یەكەم، تەقە لە بەڕێوبەری ئاسایشی دەروازەی سنووریی سەرزێڕێ لە سنووری قەزای ئامێدی کرا و گیانی لەدەستدا.
پەیامنێری “تۆڕی میدیایی ئێستا” لە پارێزگای دهۆك ڕایگەیاند، “غازی عەلی خان، بەڕێوەبەری ئاسایشی سەرزێڕێ كە سەر بە شارۆچکەی کانی ماسێ-یە، لەبەردەم ماڵەكەی خۆیدا لە گوندی گەلیكێ تەقەی لێكراوە.”
وتیشی، “چەند كەسێكی نەناسراو تەقەیان لە غازی عەلی خان كردووە و دواتر گواستراوەتەوە بۆ نەخۆشخانە لە زاخۆ، بەڵام بەهۆی سەختیی برینەكانییەوە، دوای كاتژمێرێك لە ڕووداوەكە گیانی لەدەستداوە.”
