لایەنە شیعەكان لەو ڕێككەوتنە “پەشیمان بوونەوە” كە لەگەڵ شاندە كوردییەكە لە بەغداد ئەنجامیان دابوو، جارێكی دیكەش دانیشتنی پەرلەمانی عێراق دواخرا.
بەگوێرەی ئەو زانیارییانەی بەشێك لە میدیاكان بڵاویانكردووەتەوە، لایەنە شیعەكان لەو ڕێككەوتنە پەشیمان بوونەتەوە كە لەبارەی پشكی كورد لە بودجەدا لەگەڵ شاندەكەی هەرێم ئەنجامیاندابوو.
لەلایەكی دیكەوە، سەرۆكی فراكسیۆنی پارتی لە پەرلەمانی عێراق ئاماژەی بەوەكردووە، جارێكی دیكە دانیشتنی پەرلەمان لەبارەی بودجەوە دواخراوە.
لەلایەكی دیكەوە، سەرچاوەیەك لە بەغداد بە تۆڕی میدیایی ئێستای وت، “ڕێككەوتنەكە هەڵنەوەشاوەتەوە تەنها سائیرون خالێكیان زیاد كردووە بۆ ڕێككەوتنەكە، ئێستا تاووتوێی ئەو خاڵە دەكرێت لەگەڵ شاندە كوردییەكە”.
ئەو وتانەی بەشیر حەداد لەكاتێكدایە، ئەمڕۆ شاندی هەرێم بە سەرۆكایەتیی قوباد تاڵەبانی لەگەڵ سەرۆکایەتیی پەرلەمانی عێراق كۆبوونەوە.
