لە کاتی گردبوونەوەی کۆمەڵێک هاوڵاتیی کورد لە گەڕەکی دەڕەدرێژی شاری کرماشان، هێزە ئەمنییەکان تەقەیان لە خەڵکی کردووە و کەسێک کوژراوە و هاوڵاتییەکی دیکەش بریندار بوو.
سەرچاوەکانی هەواڵ لە شاری کرماشان ئاشکرایدەکەن، لە ئەنجامی تێکهەڵچوونی نێوان هێزە ئەمنییەکان و خەڵکی گەڕەکەکە تەقەکراوە و گەنجێک بەناوی “سیروان محەمەد” بریندار بووە و دوای گواستنەوەی بۆ نەخۆشخانە گیانی لە دەستداوە.
لەگەڵ کوژرانی ئەو گەنجەدا کەسێکی دیکەش بەناوی عەلی ئەحمەدی کە تەمەنی 70 ساڵە بریندار بووە، بەڵام بەهۆی سوکی برینەکەیەوە باری تەندروستی جێگیر بووە.
ڕێکخراوەکانی مافی مرۆڤ لە ڕۆژهەڵاتی کوردستان ئاشکرایدەکەن کە ئەو دوو هاوڵاتییە لە پەیڕەوانەی “ئەهلی حەق” بوون و ئاینیان یارسانی بووە.
لە ئاکامی تەقەی ڕاستەوخۆی هێزە چەکدارەکانی ئێران لە دانیشتوانی گەڕەکی دەڕەدرێژی کرماشان هاووڵاتییەک بە ناوی سیروان محەمەدی کوژرا و هاووڵاتیەکی دیکەش بە ناوی عەلی ئەحمەدی بە سەختی بریندار بوو.
ئەم دوو هاووڵاتییە لە پێڕەوانی ئایینی یاری (ئەهلی حەق) بوون. pic.twitter.com/3JlDDPeXS2
— Hengaw Human Rights Organization (@HengawO) March 18, 2021
