وەزارەتی پەروەردە بڕیارێكی نوێی تایبەت بە وادەی تاقیكردنەوەكانی وەرزی یەكەم و دووەم و تاقیكردنەوە گشتییەكانی قۆناغی 12ی ئامادەیی دەركرد.
وەزارەتی پەروەردەی هەرێم ئەمڕۆ دووشەممە 15ی ئازار بە فەرمانی ژمارە (99) بڕیارەكانی دەركرد و تیایدا وردەكاری وادەی تاقیكردنەوەكانی دیاریكردووە.
بەپێی ناوەرۆكی فەرمانەكە تاقیكردنەوەكانی وەرزی یەكەم لە 10ی نیسان دەستپێدەكات و لە 21ی نیسان كۆتایی دێت.
هەروەها تاقیكردنەوەكانی وەرزی دووەم لە 19ی حوزەیران تا 28ی حوزەیران دەبێت.
لە دوا بڕگەی فەرمانەكەدا وادەی تاقیكردنەوە گشتییەكان دیاریكراوە كە لە 25ی تەمموز دەستپێدەكات و لە 22ی ئاب كۆتایی دێت.
دەقی فەرمانەكە:
