سەرۆکی فراکسیۆنەکانی پەرلەمانی عێراق لەگەڵ مستەفا کازمی، سەرۆکوەزیرانی عێراق کۆبوونەوە و پرسی هەڵبژاردن و چۆنیەتی دەنگدانی هاوڵاتییانی دەرەوە باسکراوە.
لەگەڵ کۆبوونەوەی سەرۆکی فراکسیۆنەکان لەگەڵ کازمی، خوێندنەوەی پڕۆژەیاسای بودجەی ئەمساڵ لە دانیشتنی سبەی پەرلەمانی عێراق لادرا.
سبەی دوشەممە، 15 ی ئازار پەرلەمانی عێراق کۆدەبێتەوە و دەنگدان لەسەر پڕۆژە یاساى دادگاى فیدراڵى کە بەشێک لەفراکسیۆنەکان ناکۆکن لەسەرى تەواودەکرێت.
لە کۆبوونەوەی سەرۆکی فراکسیۆنەکان و کازمیدا جەخت لەوەکراوەتەوە هەڵبژاردنەکان لە وادەی خۆیدا ئەنجام بدرێت.
ئەوە لە کاتێکدایە کە کۆمسیۆنى هەڵبژاردنەکان رۆژى 10 ى تشرینى یەکەمى دیاریکردووە بۆ بەڕێوەچوونی هەڵبژاردنەکان.
