چوار كەس بەهۆی تێكشانی فڕۆكەیەكی گوێزەرەوەی سەربازی لە سنووری كازاخستان، گیانیان لەدەستدا.
فڕۆكەخانەی ئاڵماتای نێودەوڵەتی لە كازاخستان ئەمڕۆ شەممە 13ی ئازار ڕایگەیاندووە، “لە ئەنجامی تێكشانی فڕۆكەیەكی گوێزەرەوەی سەربازیی سەربە پاسەوانی سنووری كازاخستان، چوار كەس گیانیان لەدەستدا”.
ئەوەش ئاشكراكراوە، فڕۆكەكە لە جۆری ئێن-26 بووە، لەكاتی نیشتنەوەدا تێكشكاوە.
بەڕێوبەرایەتیی تەندروستیی شاری ئاڵماتا ئاشكرایكردووە، لەنێو ئەو فڕۆكەیەدا شەش سەرنشین هەبوون، چواریان گیانیان لەدەستداوە و دووانی دیكەشیان بریندارن و چارەسەر وەردەگرن.
