شەوی ڕابردوو لە نزیک گازینۆیەک لە گەڕەکی سەرچنار شەڕ لە نێوان چەند کەسێکدا دروستبووە و دواتر بەهۆی شەڕە تەقەوە دوو کەس کوژراون و دوو کەسی دیکە برینداربوون.
سامان نادر، بەڕێوبەری فریاکەوتنی خێرا لە سلێمانی هەواڵەکەی بۆ تۆڕی میدیایی ئێستا پشتڕاستکردەوە و ڕایگەیاند، “دوو کەس لە ڕوداوەکەدا کوژراون کە یەکێکیان 26 ساڵە و ئەوی دیکەشیان تەمەنی نزیکەی 30 ساڵ دەبێت”.
هاوکات بەڕێوبەری فریاکەوتنی خێرا لە سلێمانی ئاشکراشیکرد، دوو برینداریش لە ڕوداوەکەدا گەیەندراونەتە نەخۆشخانە و لە ژێر چاودێری پزیشکیدان.
