وەزارەتی تەندروستیی هەرێم توشبوونی 361 كەسی دیكە بە ڤایرۆسی كۆرۆنا ڕادەگەیەنێت.
وەزارەتەكە ئەمڕۆ پێنجشەممە 11ی ئازار ئاماری 24 كاتژمێری ڕابردووی تایبەت بە كۆرۆنای بڵاوكردەوە و دەڵێت، لەو ماوەیەدا حەوت هەزار و 671 پشكنین ئەنجامدراون و لەو ژمارەیە 361 توشبووی نوێ تۆماركراوە.
زۆرترین توشبوو لە هەولێرە بە 167 حاڵەت، دوای ئەویش سلێمانی دێت بە 110 حاڵەتی نوێ.
بەپێی ڕاگەیەنراوەكەی وەزارەتی تەندروستی، 134 توشبوو چاكبوونەتەوە و پێنج توشبووش گیانیان لەدەستداوە كە سیانیان لە هەولێر بووە.
كۆی گشتیی توشبووانی كۆرۆنا لە هەرێم گەیشتە 111 هەزار و 877 كەس لەو ژمارەیە 105 هەزار و 18 كەس چاكبوونەتەوە و سێ هەزار و 551 توشبووش گیانیان لەدەستداوە.
