فراکسیۆنی گۆڕان ڕوونکردنەوەیەكی سەبارەت بە تۆمەتبارکردنی ئەندامێکی بڵاوكردەوە

فراکسیۆنی گۆڕان لە ئەنجومەنی پارێزگای سلێمانی، ڕوونکردنەوەیەكی بڵاوكردەوە سەبارەت بە تۆمەتبارکردنی ئەندامێکی فراکسیۆنەکە بە ناوی محەمەد شێخ وەهاب، لە دادگای لێکۆڵینەوەی خانەقین/ قۆرەتو لە گەرمیان، کە تۆمەتبارکراوە بە ساختەكردنی وەسڵی گومرگی.

لە ڕوونكردنەوەكەدا هاتووە، “ئێمە لە هەموو کەس و لایەنێک زیاتر کار بۆ سەروەریی یاسا و سزادانی تاوانکاران دەکەین لە کاتی جێگیربوونی تاوانەکەیدا، بەڵام ئەندامەکەی ئێمە لە ئێستادا تەنها تۆمەتبارە و ئامادەی چوونە دادگایە.”
فراکسیۆنی گۆڕان لە ئەنجومەنی پارێزگای سلێمانی لە بەشێكی تری ڕوونکردنەوەكەیدا دەڵێت، “هاوشێوەی ئەم جۆرە کەیسانە دەبێت پارێزراو بێت لەبەر ڕەوتی لێکۆڵینەوە و سەلماندنی تاوانەکە، چونکە تۆمەتباریش دەبێت مافی پارێزراو بێت، ئەم بابەتە دوور لە ڕێکارە یاسایی و میدیاییەکان لە ڕاگەیاندن بڵاوکراوەتە کە ئامانج لێی لێدانە لە بزوتنەوەی گۆڕان و فراکسیۆنەکەمان.”
ڕوونكردنەوەكەی فراكسیۆنی گۆڕان لە ئەنجومەنی پارێزگای سلێمانی دوای ئەوە دێت، دوێنێ سێشەممە 6ی تشرینی دووەم، ئەو ئەندامەی فراكسیۆنەكە كە ئاماژە بۆ ناوی كراوە، ڕایگەیاندبوو، تۆمەتباركردنی بەو بابەتە لەلایەن خەڵكانێكی ناو بزوتنەوەی گۆڕان-ـەوە دەكرێت و ئامانج لێی “لێدانە لە كەسایەتییم.”
بابەتی پێشتر

مه‌رگی هێرش سه‌نگه‌ری.. خانه‌واده‌كه‌ی هۆشداری ده‌ده‌ن

بابەتی دواتر

بانکێكی ئەوروپی ڕەزامەندی لەسەر ئەندامیه‌تی عێراق دەربڕی

بابەتی پەیوەندیدار
زیاتر ببینە

نەوت بە سەروو 100 دۆلارە، بەڵام مووچە خراپتر بووە
وه‌زیرانى سامانه‌ سروشتییه‌كان و دارایی بانگهێشتى په‌رله‌مان ده‌كرێـن

ژمارەیەک پەرلەمانتار داوادەکەن وەزیری سامانە سروشتییەکان و وەزیری دارایی ھەرێم ‏بانگھێشتی پەرلەمان بکرێن، ڕوونكردنه‌وه‌ له‌باره‌ى چه‌ند پرسێك بده‌ن.…
Total
0
Share