لەگەڵ سەردانەکەیدا بۆ عێراق پاپا فرانسیس لەگەڵ چەندین سیاسی و کەسایەتی ئاینی و سەربازیدا کۆبوویەوە و لە کاتی بینینی سەرکردەیەکی حەشدی شەعبی کە لەسەر ئاینی مەسیحییە تەسبیحەکەی پێشکەشکرد.
بەخشینی تەسبیحەکە بەو سەرکردە سەربازییە لەلایەن پاپاوە مانای ڕێزگرتنی پاپایە لەو هێزە چەکدارەی کە بەرگری لە کەسانی مەسیحی کردووە لە شەڕی دژبە داعشدا.
پاپا فرانسیس لە ڕۆژی هەینیی 5 ی ئازارەوە گەیشتووەتە بەغداد و لەگەڵ سەرۆککۆمار و سەرۆکوەزیران و چەندین بەرپرسی سیاسی و سەربازی عێراقدا کۆبووەتەوە.
ئەمڕۆ 6 ی ئازار پاپا سەردانی عەلی سیستانی ڕابەری زۆرینەی شیعەکانی کرد لە نەجەف و دواتر گەڕایەوە شاری بەغداد.
بڕیارە پاپا سبەی سەردانی هەولێری پایتەختی هەرێمی کوردستان بکات و لەگەڵ کەمایەتییە ئاینییەکانی هەرێم کۆببێتەوە.
