پۆلیسی سلێمانی ئاشکرایکرد، گەنجێکیان دەستگیرکردووە کە دزی لە چەند مارکێتێک و دەرمانخانەیەک کردووە و 10 تاوانی دزی ئەنجامداوە.
لە ڕاگەیەندراوێکدا کە وێنەیەکی بۆ تۆڕی میدیایی ئێستا نێردراوە تێیدا هاتووە، ” پۆلیسی سلێمانی زانیاری پێگەیشت لەبارەی تۆمەتبارێكەوە كە لەناو شاری سلێمانی سۆپەرماركێت و دەرمانخانەكان دەبڕێت ، بەشی پۆلیسی نەهێشتنی تاوان لێكۆڵینەوەكانی دەستپێكردوو دوای كۆكردنەوەی زانیاری و زانینی شوێنی تۆمەتبار توانرا لەلایەن نوسینگەی كوردساتی نەهێشتنی تاوانەوە دەستگیربكرێت كە زیاتر لە 10 تاوانی دزیكردنی لە سوپەرماركێت و دەرمانخانەكان ئەنجامداوە “.
لەئێستادا تۆمەتبار (ر ، ك ، ع ) لەدایكبوی 1996 بەبڕیاری دادوەر ڕاگیراوە و لێكۆڵینەوە لەلایەن پۆلیسەوە لەگەڵیدا بەردەوامە .
