وەزارەتی بەرگریی توركیا، ئاماری ئەمڕۆی زیانە گیانییەكانی سوپاكەی بڵاوكردەوە و كوژرانی سێ سەربازی لە باشووری كوردستان ڕاگەیاند.
بەپێی ڕاگەیەندراوێك كە پێگەی فەرمیی وەزارەتی بەرگریی توركیا ئەمڕۆ سێشەممە بڵاویكردووەتەوە، لە درێژەی ئۆپەراسیۆنی كلیل چنگ-دا ئەمڕۆ سێ سەربازی سوپای توركیا لە ڕووبەڕووبوونەوە لەگەڵ گەریلاكانی پەكەكەدا كوژراون.
وەزارەتی بەرگریی توركیا، برینداربوونی چوار سەربازی تری سوپاكەی ڕاگەیاند كە لە شەڕەكانی ئەمڕۆ لەگەڵ پارتی كرێكارانی كوردستان-دا برینداربوون.
