دەیان خۆپیشاندەر لە بەغداد خۆپیشاندان ئەنجامدەدەن و لە گۆڕەپانی تەحریر بڵاوبوونەتەوە.
بەگوێرەی زانیارییەكانی تۆڕی میدیایی ئێستا، دوانیوەڕۆی ئەمڕۆ دووشەممە 1ی ئازار، دەیان خۆپیشاندەر ڕوویان لە گۆڕەپانی تەحریر لە بەغداد كردووە.
ئەو خۆپیشاندەرانە خۆپیشاندایان دەستپێكردووە و وەكخۆیان لە تۆڕە كۆمەڵایەتییەكاندا بڵاویانكردووەتەوە، ئامانج لە خۆپیشاندانەكە، پشتیوانیكردنی خۆپیشاندەرانی پارێزگای زیقارە.
ماوەی هەفتەیەكە خۆپیشاندان لە شاری ناسڕییە لە پارێزگای زیقار سەریهەڵداوەتەوە و تا ئێستا 4 خۆپیشاندەر كوژراون و دەیان خۆپیشاندەر و كارمەندی پۆلیس برینداربوون.
خۆپیشاندەران پارێزگاری پێشوویان ناچاركرد هەینی ڕابردوو دەست لەكاربكێشێتەوە، ڕۆژێك دواتر پارێزگاری نوێ دەستبەكاربوو، بەڵام خۆپیشاندەران ماوەی سێ ڕۆژە داوای دەست لەكاركێشانەوەی ئەویش دەكەن.
