توشبوون بە کۆرۆنا لە هەرێم لە هەڵکشاندایە

وەزارەتی تەندروستیی هەرێم ئاماری توشبوون بە ڤایرۆسی کۆرۆنای لە ماوەی 24 کاتژمێردا ڕاگەیاند و ژمارەکەش بە بەراورد بە دوێنێ بەرزبووەتەوە.

بەپێی ئامارەکەی ئەمڕۆی وەزارەتی تەندروستیی هەرێم 237 کەس وەک توشبووی نوێ تۆمارکراون و لەو ژمارەیەش زۆرترینیان لە پارێزگای هەولێر بووە بە 135 کەس.

هاوکات لە شاری سلێمانی 68 کەس وەک توشبووی نوێ تۆمارکراون و لە دهۆکیش 21 کەس و لە گەرمیانیش 11 کەس.

لەماوەی 24 کاتژمێری ڕابردوودا هیچ مردنێک بە ڤایرۆسی کۆرۆنا تۆمار نەکراوە و 83 کەسیش ڤایرۆسەکەیان تێپەڕاندووە.