كازمی و بایدن: دەبێت ئەو كەسانە سزا بدرێن كە بەرپرسن لە هێرشە موشەكییەكان

كۆشكی سپیی ئەمریكا ڕایگەیاندووە، كازمی و بایدن لە پەیوەندییەكی تەلەفۆنیدا تاووتوێی هێرشە موشەكییەكانی ناوخۆی عێراقییان كردووە و ڕێككەوتن لەسەر سزادانی ئەو كەسانەی بەرپرسن لەو هێرشانە.

ئەمڕۆ چوارشەممە 24ی شوبات، لە ڕاگەیەندراوێكدا كۆشكی سپیی ئەمریكا ڕایگەیاندووە، جۆ بایدن، سەرۆكی ئەمریكا و مستەفا كازمی، سەرۆكوەزیرانی عێراق گفتوگۆیان لەبارەی هێرشە موشەكییەكان ئەمدواییانەی سەر هێزە عێراقییەكان و هێزی هاوپەیمانی كردووە و ڕێككەوتوون لەسەرە ئەوەی “ئەو كەسانەی بەرپرسن لەو هێرشانە سزا بدرێن”.

لای خۆشییەوە لە تویتێكدا درەنگانێكی ئەمشەو، مستەفا كازمی ئاماژەی بەوەكردووە، “لە پەیوەندییەكدا لەگەڵ سەرۆك جۆ بایدن، تاووتوێی پەرەپێدانی پەیوەندییە دوو قۆڵییەكان و بەهێزكردنی هەماهەنگیی هاوبەشمان كرد”.

ئەوەشی خستوەتەڕوو، “ڕێككەوتین كار بكەین بۆ چەسپاندنی ئاشتی و ئاسایش لە ناوچەكە و پێكەوە شەڕی داعش بكەین و جەختمان كردەوە لە درێژەپێدانی گفتوگۆی ستراتیژیی نێوان هەردوو وڵات”.

 

بابەتی پێشتر

(ڤیدیۆ) بایرن لازیۆی هاڕی و چێڵسی بە گۆڵێکی ئەکرۆپاتی دیواری ئەتلەتی شکاند

بابەتی دواتر

بە ڤیدیۆ.. لە شاری تەكساس تەقینەوەیەكی گەورە ڕویدا

بابەتی پەیوەندیدار
زیاتر ببینە

دیالە.. “10 مۆڵگەی داعش لەناوبران”

لە سنووری پارێزگای دیالە، سوپای عێراق 10 مۆڵگەی داعشی لەناوبرد، هەشتیان لەڕێگەی فڕۆكەكانەوە بوون. بەڕێوبەرایەتیی هەواڵگریی سەربازی سەربە…
Total
0
Share