وەزیری داد رەزامەندی دەربڕی لەسەر تەواوکردنی رێکارەکانی دامەزراندنەوەی ئەو لەکارلادراوە سیاسیانەی تائێستا دانەمەزراونەتەوە.
خالید شوانی، وەزیری دادی عێراق ئەمڕۆ کۆنووسی لیژنەی تایبەت بۆ دووبارە دامەزراندنەوەی لەکارلادراوانی سیاسی و هەژمارکردنی ماوەی لابردنیانی پەسەندکرد.
لە کۆنوسەکەدا ئاماژە کراوە بە هەژمارکردنی ماوەی دابڕانی سیاسی و زیادکردنی بۆ سەر خزمەتیان بەپێی بڕیارەکانی دابڕانی سیاسی، ئەو پرسەش ئاراستەی وەزارەتی دارایی دەكرێت بەمەبەستی تەرخانكردنی پلەی وەزیفی بۆ ئەو كەسانەی بڕیارەكە دەیانگرێتەوە.
گەڕاندنەوەی لەكارلادراوان پاش تەواوكردنی رێوشوێنە یاساییەكان دەبێت.
