ئامێرێكی تایبەتمەند، خانوویەكی دوو قاتی لە شوێنە بنەڕەتییەكەیەوە بۆ شەقامێكی دیكە گواستەوە، پاش تێپەڕبوونی 139 ساڵ بەسەر مانەوەی لە ناونیشانی یەكەمیدا (807- شەقامی فرانكلین) لە ویلایەتی سان فرانسیسكۆی ئەمریكی.
خانووەكە، بە شمەكەكانی ناویەوە خرایە سەر بارهەڵگرێكی تایبەت و گوازرایەوە بۆ شوێنە نوێیەكەی كە شەش شەقام لە شوێنەكەی پێشوویەوە دورە. بەدرێژایی ئەو ماوەیەش خەڵكی بۆ بینین و وێنەگرتنی ڕیزیان بەستبوو، لەكاتێكدا خانووەكە بەخێرایی یەك میل لە كاتژمێرێكدا دەگوازرایەوە بۆ ناونیشانە نوێیەكەی (635- شەقامی ڤۆلتۆن).
ڕۆژنامەی (سان فرانسیسكۆ كرۆنیكل) بڵاویكردەوە، پڕۆسەی گواستنەوەكە بۆ چەند ساڵێك لە قۆناغی پلانداناندا بووە، هەروەك فیل جۆی، بەرپرس لە پڕۆسەی گواستنەوەكە بە ڕۆژنامەكەی وتووە، “بۆ ئەنجامدانی كارەكە پێویستیان بەوەبووە ڕەزامەندی زیاتر لە 15 ئاژانسی شارەكە وەربگرن”.
ئەوەشی وت، هەنگاوەكە تاڕادەیەك دژوار بووە، بەهۆی ئەوەی بەشی یەكەمی گواستنەوەكە پێویستی بە چوونە ژێر ئەساس بووە بووە كە “دژواربووە بۆ خانووەكە”.
Nothing to see here, just a historic San Francisco Victorian home coming down the street! Today it’s being moved 6 blocks for more than $400,000. It’s old location near Turk and Franklin will soon be home to more than 60 apartments. @abc7newsbayarea
Courtesy: Lehoa Nguyen pic.twitter.com/3ztOAtaVRU— J.R. Stone (@jrstonelive) February 21, 2021
بەدرێژایی ڕێگاكەش بەرەو شوێنی نوێ، بەربەست و ئاگاداركردنەوە بۆ وەستاندنی ئۆتۆمبێل و، بڕینی هەندێك لە چڵی دارەكان پێویست بووە.
وەك ئەوەی ڕۆژنامەی (كرۆنیكل) بڵاویكردەوە تیم براون، خاوەنی خانووەكە، كە لە شەش ژووری نوستن پێكدێت، كاربەدەستە لە سان فڕانسیسكۆ، نزیكەی 400 هەزار دۆلار وەك باج و خەرجی دەدات بۆ گواستنەوەی ئەو شاكارە ئەندازەییە مێژووییە كە دەگەڕێتەوە بۆ سەردەمی ڤیكتۆریی بەریتانیا.
The move started just after 7 a.m. with a few hiccups along the way; a banner had to be cut from a city utility pole and long, pesky tree limbs were snipped along the route. pic.twitter.com/mFpfeobCjg
— KCBS 106.9 FM/740 AM (@KCBSRadio) February 21, 2021
س: ئەسۆشیەتید پرێس + RT
