وەزیری ناوخۆی تورکیا جارێکی دیکە هەڕەشەی لە کەمپی مەخمور کرد و ڕایگەیاند، “مەخمور ناوەندی پێگەیاندنی منداڵەکانی پەکەکەیە”.
سلێمان سۆیلۆ، وەزیری ناوخۆی تورکیا لە چاوپێکەوتنێکی تەلەڤزیۆنیدا 21 ی شوبات ڕایگەیاند، “پەکەکە لە چیای گارە هەموو ناوەندەکانی تەندروستی و ئابوریی و پەروەردەی چەکداری داناوە و گارەش بووەتە لینکی پەیوەندی نێوان پەکەکە و سوریا”.
سۆیلۆ ڕاشیگەیاندووە، “بەڵێنێکمان لەبارەی چیای گارەوەدا، بەڵام نەمانتوانی بیبەینە سەر، هەرچەندە سورین لەسەر کوشتن و پارچە پارچەکردنی موراد قەریلان و هاوڕێکانی”.
وەزیری ناوخۆی تورکیا وتوشیەتی، “پەکەکە لە مەخمور منداڵەکانی پەروەردە دەکات تا دواتر بەرەو قەندیل و گارە و سوریا بڕۆن و دژایەتی تورکیا بکەن”.
سلێمان سۆیلۆ، وەزیری ناوخۆی تورکیا لە دوای کشانەوەی سوپای وڵاتەکەی لە چیای گارە لە هەرێمی کوردستان، چەندینجار نەیتوانیوە توڕەی خۆی بشارێتەوە و تا ئاستی “جنێودان” توڕەبووە، لەم چاوپێکەوتنەی کۆتایشیدا چەند جارێک “جنێوی دژی پەکەکە بەکارهێنا”.
