توێژێك مووچەی چەندین مانگ بە یەكەوە وەردەگرن

سەدان كەس مووچە و مینحەی چەند مانگێكیان بە یەكەوە پێدەدرێت و وەزارەتی دارایی، نووسراوی بۆ خەرجكردنی پارەكە دەركرد.

وەزارەتی كاروباری شەهیدان و ئەنفالكراوانی هەرێمی كوردستان ئەمڕۆ دووشەممە ئاشكرایكرد، لیستی ناوی قۆناغی نۆیەمی ئەو زیندانیکراو و گیراوە سیاسییانە دەرچووە کە مینحەی مانگانەی بەردەوامیان بۆ خەرجدەکرێت و بڕیارەكە لە 1ی 5ی 2021ـەوە جێبەجێدەكرێت.

ڕاگەیەندراوی وەزارەتەكە ئاشكرایكردووە، مینحەی (927) زیندانیکراو و گیراوی سیاسی کە هیچ مووچەیەكی تریان نییە خەرجدەكرێت و بڕەكەی 519 ملیۆن و 250 هەزار دیناری مانگانەیە، مەرجی وەرگرتنی مینحەكە ئەوەیە دەبێت كەسەكە “لە ڕێگەی بایۆمەتری و بەڵێننامەی دادنووسەوە بیسەلمێنێت كە هیچ مووچە و مینحەیەكی تری نییە”.

وەك لە نووسراوی هەردوو وەزارەتی دارایی و ئابوری و كاروباری شەهیدان و ئەنفالكراواندا هاتووە، لە 1ی5ی2021ـەوە مینحەی ئەو كەسانە خەرجدەكرێت و بەپێی زانیارییەكان، بڕیارە لە کاتی ڕاگەیاندنی خشتەی مووچەدا مینحەكانی ئەوانیش دابەشبكرێن.

بابەتی پێشتر

خانمانی ڕووسیا ناسناوەکانی تۆکیۆ و سیئۆل-یان بردەوە

بابەتی دواتر

هەنگوینی كوردستان ساغترین هەنگوینی جیهانە

بابەتی پەیوەندیدار
زیاتر ببینە

تەندروستیی سلێمانی لەسەر گیانلەدەستدانی مامۆستا نێرگز لیژنە پێکدەهێنێت

بەڕێوەبەرایەتیی گشتیی تەندروستیی سلێمانی ڕوونکردنەوەی لەسەر گیانلەدەستدانی مامۆستاکەی قوتابخانەی ڕازاوەی کچان بڵاوکردەوە و ڕایگەیاند، لیژنەی لێکۆڵینەوە پێکدەهێنن. ڕۆژی…
زیاتر ببینە

گۆڕان حەوت پۆستی نوێ وەردەگرێت

بزوتنەوەی گۆڕان لە كابینەی نۆیەمی حكومەت ناكشێتەوە و ژمارەیەك پۆستی نوێ وەردەگرێت. بەپێی زانیارییە میدیاییەكان، بزوتنه‌وه‌ی گۆڕان تا…
Total
0
Share