وتەبێژی بەڕێوبەرایەتیی پۆلیسی هەولێر ئاشکرایکرد کە لە ڕوداوێکی هاتوچۆدا درەنگانی شەوی رابردوو ئۆتۆمبێلێک دوای ئەوەی کۆنترۆڵ لەدەستدەدات دوو منداڵ گیانیانلەدەستدا و پێنجی دیکەش کە دایک و باوکی منداڵەکانیان تێدایە برینداربوون.
لە ڕاگەیەنراویکدا فازڵ حاجی، وتەبێژی بەڕێوبەرایەتیی پۆلیسی هەولێر ئەمڕۆ یەکشەممە 21ی شوبات ڕایگەیاند، ” شەوی ڕابردوو لە کاتژمێر 12 ئوتومبیلێکی جۆری شۆفرلێت بەرزی تایبەت لەشەقامی هەولێر- خەبات لەپشت 120 مەتری بەهۆی خێرایی زۆرەوە کۆنتڕۆڵی لەدەستدا و بەرەو دورگەی ناوەندی شەقام چوو وەخۆی کێشا بەهۆی ڕووداوەکە دوو ستونی کارەبای خست و درەختەکانی جوانکاری سەقامەکەشی شێواندووە”.
فازڵ حاجی ڕاشیگەیاندووە کە ڕووداوەکە بەهۆی تیژڕەویی ئۆتۆمبێلەکەوە بووە و کۆنترۆڵی لەدەستداوە.
ئاماژەی بەوەشکرد کە بەهۆی ڕووداوەکەوە دوو منداڵ کە سەرنشینی ناو ئۆتۆمبیلەکە بوون گیانیانلەدەستداوە و پێنج کەسی دیکەش کە دایک و باوک و خوشک و برای دوو منداڵەکە بوون بریندارن و لە نەخۆشخانەن.
وتەبێژی پۆلیسی هەولێر ئاسکرای کردووە کە زیانێکی مادی زۆر بەر ئۆتۆمبێلەکە و باخچەی شەقامەکە و ستونی کارەباکان گەیشتووە.
