وەزارەتی کۆچ و کۆچبەرانی عێراق هۆکاری دانەخستنی کەمپی ئاوارەکانی هەرێمی کوردستان ئاشکرا کرد و دەڵێت هۆکارەکەی بۆ ترس لە بەکارهێنانی نەهامەتییەکانی ئاوارەکان بۆ هەڵمەتی هەڵبژاردنەکان گەڕاندەوە.
لە لێدوانیدا بۆ ئاژانسی هەواڵی عێراقی فەرمی، ئەمڕۆ یەکشەممە 21ی شوبات کەریم نوری، بریکاری وەزیری کۆچ و کۆچبەرانی عێراق ڕایگەیاند، “وەزارەتەکەمان هەوڵدەدات سەرجەم کەمپەکانی ئاوارەکان دابخات و کۆتایی بە دۆسیەی ئاوارەکان لە عێراق بهێنێت و ئاوارەکان بگەڕێنەوە بۆ شوێنەکانی خۆیان”.
ئاماژەی بەوەشکردووە وەزارەتەکەیان بەرنامەی حکومەتی بۆ گەڕانەوەی ئاوارەکان بۆ ناوچەکانی خۆیان جێبەجێکردووە و سەرکەوتووبووە لە داخستنی سەرجەم کەمپەکاندا جگە لە کەمپی ئاوارەکانی هەرێمی کوردستان کە چۆڵنەکراون.
ئاشکرایکرد، کەمپی ئاوارەکانی ناو هەرێمی کوردستان ژمارەیان 26 کەمپە و تاوەکو ئێستا دانەخراون بەهۆی ئەو ئاستەنگانەی لەبەردەم وەزارەتی ناوخۆی هەرێمی کوردستاندایە.
ڕاشیگەیاند کە ترسیان لەوە هەیە کێشە و نەهامەتییەکانی ئاوارەکان بۆ هەڵمەتی هەڵبژاردنەکان بەکاربهێنرێت.
