دابەزینی نرخی زێڕ درێژەی هەیە و ئەمڕۆ گەیشتەی كەمترین ئاستی زیاتر لە دوو مانگی ڕابردووو ئەمەش بەهۆی بەهێزبوونی پێگەی دۆلار و داهاتی پێوانەیی قەواڵەكانی خەزێنەی ئەمریكا و ئەگەرەكانی بوژاندنەوەی ئابوری.
نرخی زێڕ بەڕێژەی 0.9% دابەزی و گەیشتە 1778.70 دۆلار بۆ هەر ئۆنسەیەك لە كاتژمێر 8:25ی ئێوارەی ئەمڕۆ چوارشەممە 17ی شوبات، پاش دابەزینی كاتی پێشتری بۆ كەمترین ئاستی خۆی لە 30ی تشرینی دووەمی ڕابردوو بۆ 1768.60 دۆلار.
هەروەك گرێبەستە دواخراوەكانی ئەمریكا بە ڕێژەی 1.2% دابەزی و گەیشتە 1778.20 دۆلار بۆ هەر ئۆنسەیەك.
دیڤید مێجەر، بەڕێوبەری ئاڵوگۆڕی كانزاكان لە های ریدج ڤیوچرز وتی، چاوەڕوان دەكرێت ئابوریی ئەمریكا بوژاندنەوەیەكی هێواش بەخۆیەوە ببینێ.
ئەوەشی وت، گەشبینیەكان دەربارەی پەتای كۆرۆنا و گەیشتن بە “بەرگریی گشتی” دەبێتە هۆی بەرزبوونەوەیەكی كەمی دۆلار و زیادبوونی داهاتی قەواڵە دواخراوەكانی 10 ساڵی داهاتوو، كە گەیشتووەتە بەرزترین ئاست لە شوباتی 2020ەوە.
س: ڕۆیتەرز
