جۆرێكی دەگمەنی كۆرۆنا بۆ یەكەمجار لە ئیتاڵیا دەركەوت

جۆرە نوێیەكە ناوی (B.1.525)ی لێنراوە

دەسەڵاتدارێتی شاری ناپۆلی لە ئیتاڵیا تۆماركردنی جۆرێكی نوێ و دەگمەنی ڤایرۆسی كۆرۆنای بۆ یەكەمجار لە وڵاتەكەدا ڕاگەیاند.

دەسەڵاتدارێتی شارەكە ئەمڕۆ چوارشەممە 17ی شوبات لە بەیاننامەیەكدا دەربارەی جۆرە نوێیەكە ڕایگەیاند، لەئێستادا توانای پەتاكە و تایبەتمەندییەكانی دیكەی ئەم جۆرە نوێیە نازانین، هاوشێوەی ڤایرۆسە گۆڕاوەكانی دیكە.

ئاماژەی بەوەشكرد، جۆرە نوێیەكە كە لەلایەن توێژەرانی زانكۆی فیدریكۆی دووەم و پەیمانگای باسكالی-یەوە ئاشكراكراوە ناوی (B.1.525)ی لێنراوە و تەنها 32 حاڵەتی لە بەریتانیا تۆماركراوە، لەگەڵ ژمارەیەكی كەمی حاڵەتی دیكە لە نەیجیریا و دانیمارك و ئەمریكا، بەڵام “پێشتر لە ئیتاڵیا بوونی نەبووە”.

بڵاوبوونەوەی جۆرە نوێیەكانی ڤایرۆسی كۆرۆنا و بەتایبەت جۆرە بەریتانییەكەی، كە لە ئیتاڵیاش دەركەوتووە، هاندەربوو بۆ ژمارەیەك لە بەرپرسانی تەندروستیی وڵاتەكە بۆ داواكردنی كەرەنتینەكردنی نوێ بۆ ماوەی چوار هەفتە، بەڵام سیاسییەكانی وڵات پێیانوایە ڕێوشوێنە توندەكان و كەرەنتینەكانی پێشوو باری سەرشانی ئیتاڵییەكانی گران كردووە، بەتایبەت لەڕووی ئابورییەوە.

ئیتاڵیا لە سەرەتای بڵاوبوونەوەی كۆرۆناوە زیاتر لە دوو ملیۆن و 700 هەزار توشبوو و زیاتر لە 94 هەزار مردنی بەهۆی ڤایرۆسەكەوە تۆماركردووە، دووەم وڵاتە لە ژمارەی مردووان لە ئەوروپادا پاش بەریتانیا و حەوتەمە لەسەر ئاستی جیهان.

س: ئاژانسەكان

بابەتی پێشتر

بەڵگەنامەیەكی هەواڵگری: ئەردۆغان بەرپرسە لە زیادبوونی توندڕەوی لە هۆڵەندا

بابەتی دواتر

ڕەغد سەدام حسێن: دەگەڕێمەوە بۆ عێراق

بابەتی پەیوەندیدار
Total
1
Share