وەزارەتی تەندروستی هەرێم ئەمڕۆ سێشەممە 6ی تشرینی یەكەم ئاماری 24 كاتژمێری ڕابردووی دۆخی كۆرۆنای بڵاوكردەوە و دەڵێت، 793 توشبووی نوێی كۆرۆنا تۆماركراوە و 368 كەسیش چاكبوونەتەوە.
بەپێی ڕاگەیەنراوێكی وەزارەتەكە لەماوەی 24 كاتژمێری ڕابردوودا 5443 پشكنینی نوێ ئەنجامدراون و لەو ژمارەیە 793 توشبووی نوێ تۆماركراون كە بەپێی شارەكان بەمجۆرەن (دهۆك 330، هەولێر 297، سلێمانی 111، گەرمیان 28 و هەڵەبجە 27).
هەر لەو ماوەیەدا 368 كەس لە نەخۆشییەكە چاكبوونەتەوە.
هەر بەپێی ڕاگەیەنراوەكە لەماوەی 24 كاتژمێری ڕابردوودا 30 كەس گیانیان لەدەستداوە كە زۆرترینیان لە سلێمانی بووە و 12 توشبوو گیانیان لەدەستداوە.
كۆی گشتی توشبووانی كۆرۆنا لە هەرێم گەیشتە 51 هەزار و 870 كەس و لەو ژمارەیە 32 هەزار و 746 كەس چاكبوونەتەوە و هەزار و 877 كەسیش گیانیان لەدەستداوە.
دەقی ڕاگەیەنراوەكە:
