وەزارەتی تەندروستیی هەرێم ڕایدەگەیەنێت، لە 24 كاتژمێری ڕابردوودا 59 توشبووی نوێی كۆرۆنا تۆماركراون و هیچ توشبوویەكیش لەو ماوەیەدا گیانی لەدەستنەداوە.
وەزارەتەكە ئەمڕۆ پێنجشەممە 11ی شوبات بڵاویكردەوە لەماوەی 24 كاتژمێری ڕابردوودا چوار هەزار و 174 پشكنین ئەنجامدراوە و لەو ژمارەیە 59 توشبووی نوێ تۆماركراوە.
هەر لەو ماوەیەدا 125 توشبوو چاكبوونەتەوە.
بەپێی ڕاگەیەنراوەكەی وەزارەتەكە هیچ توشبوویەكی كۆرۆنا لەماوەی 24 كاتژمێری ڕابردوودا گیانیان لەدەستنەداوە و ئەمەش بۆ دووەم ڕۆژە هیچ حاڵەتێكی گیان لەدەستدان تۆمارناكرێت.
كۆی گشتی توشبووانی كۆرۆنا لە هەرێم گەیشتە 106 هەزار و 719 توشبوو، لەو ژمارەیە 102 هەزار و 41 كەسیان چاكبوونەتەوە و سێ هەزار و 429 توشبووش گیانیان لەدەستداوە.
