کاتژمێر 4:45 خولەکی بەیانی ئەمڕۆ 8ی شوبات، لە ئەنجامی سەرپێچیکردنی تاکسییەک ڕوداوێکی هاتوچۆی قورس ڕویدا و بەهۆیەوە باوک و کوڕێک بە سەختی بریندار بوون.
بەڕێوبەرایەتی هاتوچۆی هەولێر لەسەر ڕوداوەکە دەڵێت، ” لەسەر رێگای هەولێر بۆ کەسنەزان ئۆتۆمبیلێکی جۆری تاکسی هەوڵیدا پێچبکاتەوە لە شوێنێک کە ڕێگەپێدراو نییە پێچکردنەوە، لە ئەنجامدا ئۆتۆمبیلێکی جۆری شۆفرلێت خۆی پێدا کێشاوە و بەهۆیەوە دوو کەس بریندار بوون”.
بەپێی زانیارییەکانی هاتوچۆی هەولێر، جگە لە زیانی مادی هەردوو ئۆتۆمبیلەکە زیانێکی زۆر بەر ڕێگەو بان و چەند ستونێکی کارەبای نزیک ڕوداوەکە گەیشتووە.
