قوباد تاڵەبانی، جێگری سەرۆکوەزیرانی هەرێمی کوردستان لە هەولێر پێشوازی لە دانیێل کرێبەر، باڵیۆزی ئەڵمانیا لە عێراق کرد و تاوتوێی پەیوەندییەکانی نێوان هەردوولایان کرد.
لە کۆبوونەوەکەدا، ئاڵوگۆڕی بیروڕا کرا لەبارەی کۆتاییهاتنی ئەرکی هێزەکانی هاوپەیمانان لە عێراق و هەرێمی کوردستان، قوباد تاڵەبانی ستایشی ڕۆڵی ئەڵمانیا و هاوکارییەکانیانی بۆ هێزەکانی پێشمەرگە کرد.
هاوکات، جێگری سەرۆکوەزیران جەختی لە بەهێزکردنی پەیوەندییە ئابوورییەکان کردەوە و ئامادەیی حکومەتی هەرێمی نیشاندا بۆ پێشکەشکردنی هەموو کارئاسانییەک بە وەبەرهێنەرانی ئەڵمانی.
