وەزیری دەرەوەی تورکیا ڕایدەگەیەنێت، پێشوازی لە هەڵوەشاندنەوەی هەسەدە دەکەین و بڕوامان وایە کە ئەمە هەنگاوێکی ئەرێنییە.
هاکان فیدان، وەزیری دەرەوەی تورکیا ڕایگەیاند، لیژنەی هاوبەشی نێوان سوریا و تورکیا تاوتوێی هاوکارییەکانی نێوان هەردوو وڵات، لە تەواوی بوارە جیاوازەکاندا دەکات.
وتیشی، ڕەجەب تەیب ئەردۆغان، سەرۆککۆماری تورکیا بەم نزیکانە سەردانی دیمەشق دەکات.
ئاماژەی بەوەشکرد، پێشوازی لە هەڵوەشاندنەوەی هێزەکانی سوریای دیموکرات و تێکەڵبوونی بە دەوڵەتی سوریا دەکەین، داواشدەکەین سەرجەم گرووپە چەکدارەکان تێکەڵی دەوڵەت بکرێن.
