كۆمپانیای دابەشكردنی بەرهەمە نەوتییەكانی عێراق لەبارەی بەرزكردنەوەی نرخی سووتەمەنی ڕوونكردنەوەیەكی بڵاوكردەوە.
كۆمپانیای دابەشكردنی بەرهەمە نەوتییەكانی سەر بە وەزارەتی نەوتی عێراق لە ڕوونكردنەوەیەكدا بڵاویكردەوە، بە بڕیارێكی ڕەسمی نرخی سووتەمەنییان بۆ وەزارەت و دامەزراوە حكومی و تایبەتەكان بەرزكردووەتەوە و ئەم بڕیارەش سەرجەم پارێزگاكانی ناوەڕاست و باشووری عێراق دەگرێتەوە.
جەختی لەوەشكردووەتەوە، ئەو دەنگۆیانەی باس لە گۆڕانكاریی ئەم نرخە بۆ هاوڵاتیانیش دەكەن دوورن لە ڕاستییەوە و بڕیارەكە تەنها پەیوەستە بە دامەزراوە حكومییەكان و نرخی سووتەمەنی بۆ هاوڵاتیان بە نرخی پاڵپشتیكراوە و بەهیچ شێوەیەك گۆڕانكاریی تێدا ناكرێت.
بەپێی ڕوونكردنەوەكەش بێت نرخی نوێی سووتەمەنی بۆ هەر لیترێك بەشێوەیە یە:
بەنزینی نۆڕماڵ نۆرماڵ: لە 450 دینارەوە بۆ 750 دینار.
بەنزینی موحەسەن: 1,000 دینار.
بەنزینی سوپەر: 1,250 دینار.
گازوایل: 1,000 دینار.
نەوتی سپی: 1,000 دینار.
