وتەبێژی بەرگریی شارستانیی هەڵەبجە ئاشکرایدەکات، ئاگرێک لە نزیک مزگەوتێکی شارەکە بەبێ زیان کۆنترۆڵکرا.
زانیار عومەر، وتەبێژی بەرگریی شارستانیی هەڵەبجە بە تۆڕی میدیایی ئێستای ڕاگەیاند، بەیانیی ئەمڕۆ دووشەممە، ئاگرێک لە نزیک مزگەوتی دارولئیحسان کەوتەوە، دوو تیمی بنکەکانی بەرگریی شارستانیی (هەڵەبجە و پیرمحەمەد) دەستبەجێ گەیشتنە شوێنی ڕووداوەکە.
وتیشی، ڕووداوەکە هیچ جۆرە زیانێکی گیانی و ماددی لێنەکەوتەوە و لە ماوەیەکی کەمدا بە تەواوی کۆنترۆڵکرا.
