بەپێی زانیارییەکان، سەرجەم وەزارەتەکان سەرقاڵی ئامادەکردنی لیستی مووچەن و ئەگەر هەیە لەم هەفتەیەدا ڕادەستی بەغداد بکرێت.
سەرچاوەیەک لە گەنجینەکانی سلێمانی بە تۆڕی میدیایی ئێستای ڕاگەیاند، سیستمی پەیرۆڵ بۆ لیستی مووچەی مانگی هەشتی مووچەخۆرانی هەرێمی کوردستان کارا کراوە و تاوەکو ڕۆژی دووشەممە و سێشەممەی ئەم هەفتەیە، هەموو وەزارەتەکان لیستی مووچەکانیان لە سیستمی پەیرۆڵ داخڵ دەکەن.
وتیشی، دواتر لە بەشی ژمێرکاریی وەزارەتی دارایی و ئابوریی حکومەتی هەرێمی کوردستان، وردبینی بۆ لیستەکان دەکرێت و ڕۆژی پێنجشەممە لیستەکە و تەرازووی پێداچوونەوە ڕەوانەی بەغداد دەکرێت.
