بەڕێوەبەرایەتیی گشتیی شارەوانییەکانی هەولێر رایدەگەیەنێت، بڕیارە ئەمڕۆ دوو هەزار و 500 پارچەزەوی بەسەر فەرمانبەرانی سنووری ماددەی 140ـدا دابەشبکرێت.
بەڕێوەبەرایەتییەکە لە راگەیەندراوێکدا بڵاویکردەوە، ئەمڕۆ یەکشەممە، مەراسیمی دابەشکردنی زەوی، لە سنووری هەر سێ سەرۆکایەتیی شارەوانیی (مەخموور، دیبەگە و قەراج) بەڕێوەدەچێت.
بەپێی راگەیەندراوەکە، بڕیارە لە سنووری ئەو سێ شارەوانییە، دوو هەزار و 500 فەرمانبەر سوودمەندبن لەو پارچەزەوییانە.
