بەڕێوەبەری بەنداوی دووکان وێنەی شوێنێکی بەنداوەکەی بڵاوکردووەتەوە و ئاماژەی بەوە دەکات، لە هیچ ساڵ و بەروارێکدا لەو شوێنە هێندە ئاو کۆنەبووەتەوە.
کۆچەر جەمال، بەڕێوەبەری بەنداوی دووکان سەبارەت بەم وێنەیە بە تۆڕی میدیایی ئێستای ڕاگەیاند، ئەم وێنەیە مێژووییە، چونکە هەرگیز لە هیچ ساڵێک لەم بەروارەدا، ئەم شوێنە دەریاچە نەبووە.
ڕوونیشیکردەوە، ئەمە نیشانمان دەدات لەم بەروارەی ساڵدا، ئاستی ئاوی دەریاچەکە لە ماوەی تەمەنی بەنداوەکە، لە بەرزترین ئاستی خۆیدایە.
