وەزارەتی کار و کاروباری کۆمەڵایەتیی عێراق خەرجکردنی مووچەی چاودێریی کۆمەڵایەتی بۆ مانگی هەشت ڕاگەیاند.
وەزارەتی کار و کاروباری کۆمەڵایەتیی عێراق، ئەمڕۆ یەکشەممە، ڕایگەیاند، “مووچەی چاودێریی کۆمەڵایەتی بۆ مانگی هەشتی 2026، بۆ زیاتر لە دوو ملیۆن و (46) هەزار خێزان لە بەغداد و پارێزگاکان، بەدەر لە هەرێمی کوردستان، خەرجکراوە، کە کۆی گشتییەکەی زیاترە لە (438) ملیار دیناری عێراقی.”
دەشڵێت، پێدانی مووچەکە زیاتر لە ملیۆنێک و (482) هەزار خێزان دەگرێتەوە کە پیاوان سەرپەرشتییان دەکەن، بە بڕی زیاتر لە (353) ملیار دینار، هەروەها زیاتر لە (564) هەزار خێزان کە ژنان سەرپەرشتییان دەکەن، بە بڕی زیاتر لە (84) ملیار دینار.”
